SAMAÍN

Outro ano máis chegou o Samaín e os nenos e nenas do colexio viñeron disfrazados de bruxas, esqueletos, fadas,etc....Que medo!.

Ademais fixeron nas clases unhas pocións máxicas que colocamos nas corcheiras e que puderon realizalas na clase facendo como un ritual de Samaín para a cal utilizaron zume de uva , de laranxa, granada, etc...

PROXECTO ANUAL

Este curso levaremos a cabo un proxecto  anual no colexio que nos fará tomar conciencia do importante que é coidar o noso planeta, e para elo traballaremos todo o que ten que ver co cambio climático, co coidado do medio ambiente , ca reciclaxe, co consumo responsable, ca vida saudable, etc...
Poñémonos mans a obra e para elo xa comenzamos por eliminar das  merendas do noso recreo todos os envases de plástico na medida que nos sexa posible, por eso diseñamos un calendario de merendas saudables.

LEMA ANUAL BIBLIOTECAS

Como en anos anteriores a consellería de Educación no contexto das actuacións para a atención das bibliotecas escolares  e o fomento da lectura , integradas no Plan LÍA de bibliotecas,  achéganos o cartel co lema anual : BIBLIOTECA ESCOLAR,VIVEIRO DE CIDADANÍA, co que se queren lembrar as oportunidades que ofrece a biblioteca escolar para reforzar as aprendizaxes de habilidades sociais e valores democráticos esenciais para unha participación activa e responsable nos distintos eidos da vida.

O que se pretende é que a biblioteca escolar poida facilitar o diálogo, a lectura crítica, a reflexión, o acceso ao coñecemento , o pensamento, a investigación, a experimentación, a creación, a comunicación , a adquisición de competencias útiles para a vida e para a convivencia, para o desenvolvemento académico e persoal, para unha participación activa nunha sociedade máis xusta e igualitaria.

En definitiva que a biblioteca escolar pode ser ese "viveiro" para crear unha cidadanía responsable e crítica que a nosa sociedade precisa.

MOCHILAS VIAXEIRAS

O xoves 24 de Outubro abriuse a biblioteca  e fixose entrega das mochilas viaxeiras como se fai todos os anos.

 Na hora de ler os nenos e nenas do colexio repartíronse polas aulas para contarlles contos os seus compañeiros e compañeiras como podedes ver a continuación.

APERTURA DA NOSA BIBLIOTECA UN CURSO MÁIS!

O xoves conmemórase o Día da Biblioteca, como se ven facendo cada 24 de outubro desde 1.997.

Como sabedes estamos no outono e as nosas amigas Hermenexilda e Casilda (moi amigas de Xoán, o noso superheroe da biblioteca), co lema "Sexamos o cambio que queremos ver no mundo", anímannos a coñecer e a utilizar a biblioteca do centro que a partir de hoxe estará aberta a comunidade escolar.

O horario será:

• Luns, mércores e xoves de 16 a 17:30 horas.

• Martes de 16 a 17 horas. 

ESPERÁMOSVOS A TODOS E DESEXÁMOSVOS UNHAS BOAS LECTURAS!