Para a conmemoración do Día Mundial da Poesía, 21 de marzo, Xoán propúxonos un novo reto: "Elaborar e recitar poesías en distintos idiomas".
Deste xeito convertémonos nuns grandes poetas!
Neste curso as Bibliotecas Escolares de Galicia temos o lema "A biblioteca escolar ten a palabra", tendo o foco na palabra e na oralidade. Polo que o noso alumnado gravouse recitando as súas poesías.
Non esperedes máis e clicade nos diferentes cursos!
Esta semana, do 8 ao 12 de marzo, conmemórase a semana da prensa.
No curso pasado fixemos unha homenaxe a nosa revista escolar "Breogán", que ademáis cumpría 40 anos do inicio da súa elaboración.
Para seguir léndoa e gozando dela, lembrade que só tedes que clicar na seguinte imaxe que se atopa na marxe dereita do blogue:
Hoxe, 8 de marzo, día da muller traballadora, dende o Ceip Balaidos queremos homenaxear esta data facendo a nosa representación dunha imaxe icónica deste día:
Este ano traballamos no cole á ilustradora Eva Casais.
O luns 7 de marzo tivemos a sorte de que veu visitarnos e levou a cabo o mural sobre a igualdade que nos fai na fachada do cole. Baixamos en tandas para facernos unha foto con ela diante do mural que ela comezou e que rematarán os alumnos do cole.
Vai quedar espectacular!!!!
O venres 25 de febreiro celebramos no cole a festa do Entroido!
Este ano seguindo o proxecto documental integrado "Camiñando por Europa" fixemos e baixo o lema "Non hai fronteiras", o cole encheuse de exploradores e exploradoras, cámaras de fotos, peregrinos e peregrinas, turistas, pasaportes, información importante dos diferentes países europeos e cantantes do grupo Tanxugueiras.
Queremos compartir con vos ese día, xa que este ano non puidestes facernos compaña.
