GAÑADORES DO CONCURSO DE CABAZAS 2013!

Xa sabemos cales son os gañadores do concurso de cabazas! Cada ano está máis empatado e aínda que todos merecen un premio (e terano convertido en bibliopuntos) só tres poden ser os finalistas, que a maiores se levarán bibliopuntos extra! 4 para o primeiro posto, 3 para o segundo e 2 para o terceiro.

Agora si aí vai o resultado!

- 1º finalista: Alexander García de 6º A de infantil
- 2º finalista: Paula Penedo de 3ºA
- 3º finalista: Adrián Gesteira de 5ºB

Parabén a todos polo voso traballo e ánimo para seguir participando nas vindeiras actividades que se irán propoñendo ao longo deste curso!

ENTREGA MOCHILAS VIAXEIRAS EN PRIMARIA

Onte foi a entrega das mochilas viaxeiras na primaria, os nenos e nenas xa teñen moitas gañas de telas na casa e de coñecer tódalas sorpresas que lles acompañan.

 

Estas virán cargadas de novidades!

 

mochilas primaria - diapositivas

Concurso de cabazas 2013!

Unha das actividades que levamos a cabo ao longo da semana é o noso xa famoso Concurso de Cabazas de Samaín, unha actividade que poñemos en marcha co fin de facer partícipes as familias nesta festa. 

Ano tras ano a participación é maior, así como a orixinalidade á hora de decorar as cabazas. O máis importante é ese momentiño no que toda a familia se reúne para facer algo en común divertido e moi entretido como pode ser decorar unha cabaza.

Cal será a gañadora? Pronto saberémolo. ESTADE MOI ATENTOS!

Un ano máis grazas pola vosa estupenda participación! 

 

BIBLIOTECAS ESCOLARES

Mañá 24 de outubro é o día internacional das bibliotecas escolares se queredes máis información clicade na imaxe que aparece á dereita do blog, un chisquiño máis abaixo ou na mesma imaxe que aparece aqui.

“Os sábados, conto” na Biblioteca Central. E moitas máis actividades!

Case todos os sábados de outubro a xuño haberá contacontos, teatro, monicreques, etc., para nenos/as a partir de 3 anos na Biblioteca Central de Vigo (c/Joaquín Yañez, 6, Casco Vello). 

 - Sábado 26 ás 11:00: "Maxia Vs Ciencia", narración e teatro pola Illa dous Nenos. Para nenos de 7 a 14 anos. 120 min  

Celebración do Día Internacional das Bibliotecas na Biblioteca Central Taller de actividades infantís no cal se elaborará un libro para a biblioteca. Os nenos/as escollerán a temática da historia que queiran contar nel e montarán coa axuda dos seus pais as distintas páxinas deste libro tan especial. 

- Xoves 24 de outubro ás 18:00 

Para máis información: http://rbgalicia.xunta.es/vigo/ 
                                  Tlf: 986229074