O 15 de maio celebramos o Día da Familia. Esta conmemoración reflicte a importancia que ten a familia como unidade básica da sociedade, así como a súa preocupación pola situación das familias en todo o mundo.
No cole fixemos un pequeno documental para conmemorar esta data.
Esperamos que vos guste moito!
No segundo trimestre estivemos a ler o conto "O cociñeiro Martiño" en 1º de Educación Primaria e "O cociñeiro Martiño e as cenorias desparecidas" en 2º de Educación Primaria.
O 12 de maio tivemos unha visita moi especial, o escritor Iago López!
Chegou cunha caixa misteriosa e díxonnos que nos ía contar un conto... Non máis comezar ao escoitalo soubemos que se trataba do "Cociñeiro Martiño" e moi atentos iamos vendo como o conto cobraba vida e, incluso, algúns dos nosos compañeiros formaban parte del.
Despois con moita paciencia respondeu as nosas dúbidas e asinou os nosos exemplares.
A verdade é que foi unha experiencia estupenda e moi divertida.
Grazas Iago López!
O pasado mércores 27 de abril os nenos e nenas de 5 anos de infantil tivemos a sorte de que nos viñera a visitar Paco Nogueiras.
Viu ao colexio cargado cunha maleta chea de contos de animais: Elmer, Os ratos van a escola, Animais...
Pasámolo moi ben escoitando e cantando todos os contos.
Agardamos volver a repetir a experiencia!
Hoxe, 23 de abril, conmemórase o Día Mundial do Libro.
Para festexalo, o alumnado de sexto de Educación Primaria converteuse nos padriños lectores dos compañeiros e compañeiras do colexio. Na hora de ler repartíronse polas aulas para contar un conto con moito agarimo e entusiasmo.
Deste xeito, compartimos un momento de lectura, sendo unha actividade moi enriquecedora.
Xa queda menos para poder facer os apadriñamentos lectores de sempre!
