RECOMENDACIÓNS DE VERÁN

Chegou a hora dun merecido descanso! Por iso tedes aquí unhas recomendacións de libros de lectura para relaxarse e desconectar nestas vacacións de verán!

LÉVAME PARA A CASA!

Neste curso, e seguindo a actividade dentro do programa de Erasmus + de "Our eco-school is blooming" (liberando libros polo medio ambiente), realizamos un intercambio de puntos por contos descatalogados do noso centro.

O alumnado, por niveis, foron acudindo ao patio para realizar o intercambio. Sempre acompañados e guiados polo equipo de Axudantes da Biblioteca, que fixeron unha gran labor durante todo o curso. 

A experiencia foi moi enriquecedora e gratificante. Aquí vos deixamos algúns dos momentos vividos:

 

Aproveitamos esta actividade para entregarlles aos nosos axudantes un detalliño polo seu esforzo e constancia ao longo de todo o curso.

MOITÍSIMAS GRAZAS!

A NOSA REVISTA BREOGÁN

 

XA ESTÁ AQUÍ A REVISTA DESTE CURSO!

Pinchade na foto para vela:

VISITA DO ESCRITOR ANTÓN CORTIZAS

O día 12 de xuño, , as nenas e nenos de primeiro de Educación Primaria recibiron a visita de Antón Cortizas, escritor do conto "O lapis de Rosalía", que leron en clase.

Disfrutamos moito da súa compaña e tivemos a sorte de ver e usar o lapis máxico de Rosalía.

Esperamos que volva pronto visitar o noso colexio!

VISITA DO ILUSTRADOR VICTOR RIVAS

O alumnado de 3º e 5º de Educación Primaria recibiron a visita do ilustrador Víctor Rivas para falarnos do proceso de ilustración do libro "Escarlatina, a cociñeira defunta".

Foi moi interesante coñecer como se ilustra un libro e a información que transmite cada debuxo, as capas de deseño, a banda deseñada...

Tamén mostrounos láminas da súa obra xeral. Abriu quenda de preguntas e ... aprendemos moitísimo!

Temos que recoñecer que botamos moito de menos a Ledicia Costas, a escritora deste famoso libro.

GRAZAS POR VIR, VÍCTOR!

3º RETO: CONTOS COLABORATIVOS

 Todo o alumnado do colexio realizou, durante todo o curso, dous contos colaborativos. Comezaron os maiores para rematalos os máis cativos.

A única consigna do tema dos contos era que tiñan que estar relacionado co proxecto deste curso: "Aforra enerxía, coida a Terra... alongaremos a vida". Salvo isto, deixaron voar a súa imaxinación!

Este reto tamén está relacionado co lema das Bibliotecas Escolares que, neste curso, fai fincapé na escritura.

Queredes velos? Clicade no seu título.

ENQUISA DA BIBLIOTECA

A túa opinión é moi importante para seguir mellorando!

O prazo para realizala rematará o venres 26 de maio.

Moitas grazas por participar. 

Esta enquisa está elaborada para o alumnado de 5º e 6º de Educación Primaria:

Esta enquisa está elaborada para as familias do centro:

Esta enquisa está elaborada para o profesorado do centro:

DÍA MUNDIAL DO LIBRO

O pasado venres día 21 de abril festexamos no colexio o Día Mundial do Libro coa actividade do apadriñamento lector, na que os compañeiros/as  maiores do centro lle len aos máis cativos, no patio, á hora de ler.

Os afillados prepararon, con moito agarimo, uns marcapáxinas para agasallarlles aos seus padriños e madriñas ese día.

É unha actividade moi enriquecedora para ambos.

No seguinte vídeo quixemos recoller eses momentos especiais!

MOITAS GRAZAS COMPAÑEIROS E COMPAÑEIRAS!

VISITA DE PACO NOGUEIRAS

O pasado 13  de abril, os nenos e nenas de 5 anos de infantil tivemos a sorte de que nos viñera visitar Paco Nogueiras.

Viu ao colexio cargado cunha maleta chea de contos: "DO, RE, MI"; "Chibóns, Chibóns"; "Polo camiño"...

Pasámolo moi ben escoitando e cantando todos os contos.

AGARDAMOS VOLVER REPETIR A EXPERIENCIA!

DIA MUNDIAL DO AUTISMO

O día 2 de abril celebramos o Día Mundial da Concienciación sobre o Autismo.

O TEA (trastorno do espectro autista) é unha condición que teñen algunas persoas que afecta a súa linguaxe e socialización en diferentes grados.

Para saber máis sobre o Autismo deixámosvos esta explicación realizada pola Confederación de Autismo de España.

 

  CAMPAÑA 2023

O movemento de asociación do autismo en España, en coordinación con Autismo Europa, lanzou unha campaña coa que queren facer comprender á cidadanía o dereito das persoas con trastorno do espectro do autismo (TEA) e as súas familias a vivir unha vida feliz.

O lema deste ano é "Llamémoslo por su nombre"

Centrou a atención en dous aspectos importantes para mellorar a calidade de vida das persoas con TEA:

• Acceso a unha valoración diagnóstica especializada.
• Acceder a unha serie de servizos individualizados, específicos e especializados.
• Favorecer a incorporación de ferramentas de detección precoz.
• Mecanismos de coordinación dos servizos de diagnóstico.

Moitas delas enfróntanse a un nivel moi alto de discriminación en todos os aspectos da vida, debido en boa medida á falta de concienciación sobre o TEA. É preciso eliminar os prexuízos existentes e empatizar co colectivo. Coñecer e comprender as súas necesidades para poder facilitarlles os apoios específicos que lles permitan vivir felices e participar na sociedade en igualdade de condicións respecto ao resto da cidadanía.

 ¡Haz un gesto por el autismo! #DiaMundialAutismo 

    

Para rematar, deixámosvos estes contos:

 “El viaje de María“

Fundación Orange,  unha curtametraxe de animación realizada polo debuxante Miguel Gallardo, pai dunha filla con autismo.

"El cazo de Lorenzo"

"Bambú el Koala"

"Bet y el TEA"

 

"El niño que deseaba volar"

"¡Yo tengo un amigo!"

"Mi hermano es autista"

Pictocuentos: Comunicación sencilla con pictogramas

Podedes acceder aos contos pinchando na seguinte imaxe. 

Na nosa biblioteca dispoñemos tamén da seguinte bibliografía:

DÍA MUNDIAL DA POESÍA

Chegada a SEMANA DA POESÍA no Colexio Balaídos, e con motivo de homenaxear ao mundo dos "versos" e ás escritoras e escritores que os compoñen, o alumnado de quinto recitou catorce poemas, escollidos nos poemarios da Biblioteca de Xoán. 

Primeiro, fixeron os audiopoemas en mp3 (gravaron as estrofas con fondo musical, no programa Audacity); e despois montaron cadanseu videopoema, engadindo imaxes (no programa de edición de video Open Shot). Agardamos que vos gusten!

NORABOA POLO GRAN TRABALLO!

DIA MUNDIAL DO SÍNDROME DE DOWN

O Día Mundial da Síndrome de Down celébrase o 21 de marzo desde o ano 2012 por un decreto establecido nas Nacións Unidas. O principal obxectivo desta celebración, é crear conciencia dentro da sociedade, do valor que teñen estas persoas, a pesar da súa discapacidade intelectual.

Así mesmo, revindicar as súas achegas á sociedade, dereitos e independencia para a toma das súas propias decisións e crecemento persoal.

Segundo a Asociación Internacional da Síndrome de Down, o lema de 2023 para o Día Mundial da Síndrome de Down é: "Con nosotros, no por nosotros."

SEMANA DA PRENSA E DIA INTERNACIONAL DA MULLER "PON OS LENTES VIOLETAS"

Para a conmemoración da Semana da Prensa e do Día Internacional da Muller, dende a dinamización da Biblioteca e de Igualdade propuxemos unha actividade conxunta na que se relacionaron ambas temáticas.

Os lentes violetas son unha metáfora para explicar como se ve a vida con perspectiva de xénero, e dicir, proporcionar unha mirada crítica para descubrir as desigualdades entre homes e mulleres no día a día.

Co lema "Pon os lentes violetas para ver as desigualdades entre homes e mulleres" no mes de marzo realizamos diferentes actividades. 

 

"Pon os lentes violetas (para cambiar os titulares de prensa)": En educación infantil contamos o número de homes e de mulleres que aparecen nas fotografías que acompañan as noticias. En educación primaria analizamos titulares de prensa e tras a reflexión da mensaxe que lanzan e onde identifican o sexismo, redactaron titulares alternativos non discriminatorios que representan a mensaxe real.

"Obradoiro de contrapublicidade feminista" impartido por A Morada ao alumnado de 6º de primaria. Despois da análise e reflexión sobre a imaxe das mulleres na publicidade compuseron colectivamente anuncios contrapublicitarios mediante a colaxe colectiva.

"Desde peques moi diverXos": obradoiro de diversidade afectivo-sexual, de xénero e familias, impartido pola Asociación Nós Mesmas ao alumnado de 1º, 3º e 5º de primaria.

Visita do Comando Igualdade, do IES Alexandre Bóveda, para contarnos a súa experiencia.

DÍA INTERNACIONAL DA MULLER

O 8 de marzo conmemórase o Día Internacional da Muller.

Para celebrar este día, Xoán preparou unha selección de material para todos e todas:

CONMEMORACIÓN DO DÍA DE ROSALÍA DE CASTRO

Este ano, entre todo o alumnado, eliximos unha frase célebre de Rosalía de Castro por aula para decorar os escalóns de subida ás aulas: 

FELIZ DÍA DE ROSALÍA!