COCIÑAMOS UN CONTO?

 Xa que este curso imos investigar a temática de "A cociña", a nosa mascota da biblio, Xoán, decidiu poñer a chaquetiña de chef e lanzarse a cociñar. 

E ademais, propón un reto para todo o cole: 

QUE CADA GRUPO COCIÑE UN CONTO!!

Para facelo, deixou na biblio tres potas, unha receita e uns ingredientes (elaborados polos axudantes de biblioteca de 6º)

cos que poder cociñar unha historia deliciosa, saborosa, irresistible... 

Tamén xogamos a adiviñar os tellos duns libros que os tiñan ocultos 👀🔍

Pasamos un ratiño divertido na biblio e aprendemos un montón de cousas!!

COMEZA A AVENTURA: ENTRE VERSOS E SUSTOS... CHEGA O CONCURSO DE EPITAFIOS!!!

Co gallo da celebración do Samaín, dende a Biblioteca Escolar e o Equipo de Dinamización da Lingua Galega puxemos en marcha un divertido Concurso de Epitafios.

Contamos tamén coa colaboración do equipo de Polos Creativos, que convertiu en auténticas lápidas aos 3 mellores epitafios!

Con esta proposta quixemos fomentar a creatividade, a imaxinación e o uso da nosa lingua a través da elaboración de epitafios orixinais, arrepiantes e cheos de humor.

           Ao longo destes días recibimos unha chea de epitafios:

                                        96 participantes!!! 

Entre todos eles seleccionamos 3, un por cada ciclo, e aquí tedes o resultado: unhas lápidas moooooi divertidas💀💀😝😝

Parabéns a Noa de 6ºA, Sofía de 3ºA e ao grupo de 2ºA polo voso traballo!!

POR FIN, ABRIMOS AS PORTAS DA NOSA RENOVADA BIBLIOTECA

 Un ano máis, polo 24 de outubro, Día Internacional das Bibliotecas, abrimos as portas do Recuncho de Xoán, onde os rapaces e rapazas poderán disfrutar da lectura durante os recreos e investigar cos seus mestres,  achegarse polas tardes a buscar información, estudar..., e as familias ler cos seus fillos e fillas, levar libros prestados, para os máis pequenos e para os maiores tamén, xa que continuamos co Punto Lector reservado para todos os adultos da comunidade educativa.

E abrimos cun aspecto renovado, novo mobiliario e unha nova disposición, máis práctica e funcional, grazas á dotación do PLAMBE (Plan de Mellora de Bibliotecas Escolares).

Non deixedes de visitala!!