DÍA MUNDIAL DO TEATRO

#QuedaNaCasa

O 27 de marzo de 1962 o Instituto Internacional do Teatro (ITI) decidiu establecer esta data como Día Mundial do Teatro, lembrando a apertura do Teatro das Nacións en París. O seu obxectivo é promover o teatro en todas as  súas formas arredor do mundo, crear conciencia sobre o valor do teatro e poñer  en valor a forma de arte "teatro".

Este ano o dramaturgo pakistaní Shahid Nadeem é o encargado do manifesto: O Teatro como Santuario.

Recollemos un fragmento do Manifesto de Paula Carballeira, para GÁLIX no Día Mundial do Teatro. (Preme na imaxe de Gálix para ler todo o Manifesto)

Nestes tempos de confinamento son moitas as actividades que , a través das redes, conmemoran esta data. Pinchade nas imaxes para acceder a elas:

• Tanxarina Títeres: A Galiña Azul

• Caramuxo Teatro comparte "Na Casa", teatro para bebés con música e cancións

•      GÁLIX: Teatro Infantil Galego no Día Mundial do Teatro

Como nos dí sempre o profe Rafa:

Sabíades que calquera conto pode ser contado de xeito teatral, facendo teatro?

Pois abofé que si! Unha persoa chega! Cambiando as voces para que os personaxes do conto dialoguen; facendo acenos e xestos, usando só a palabra e imitando sons; facendo ao público imaxinar obxectos, animais ou persoas,...

Na hora de ler do Colexio Balaídos non só lemos, tamén temos Contacontos, contos dramatizados. 

Vede aquí este videoconto supercoñecido: “Os 7 Cabritos”.

Probade vós! Animádevos! Aprendede un conto e contádeo!
Vós podedes facelo!!

 

Agora é un bo momento para lembrar obras de teatro que fixo o alumnado noutros anos:

Autora do conto: Ruth Bernárdez Vázquez

VISITA Á BIBLIOTECA JUAN COMPAÑEL POLO ALUMNADO DE EDUCACIÓN INFANTIL

Entre os días 9 e 12 de marzo, os nen@s de Educación Infantil, visitaron a biblioteca pública de Vigo "Juan Compañel", onde dun xeito moi divertido lles explicaron a historia da biblioteca, que poden facer nela, as normas, como facer o servizo de préstamo e como facer os carnets.

Tamén lles dixeron que había moitos tipos de libros, como os que están en braille para os nen@s cegos.

O pasaron xenial!

CONMEMORACIÓN DÍA INTERNACIONAL DA MULLER TRABALLADORA

Este ano adicamos o día Internacional da Muller traballadora a Concepción Arenal.

O 31 de xaneiro cumpría 200 anos do nacemento da que pode considerarse a pioneira do feminismo en España. Nacía en 1820 en Ferrol. Sempre dixo que quixo ser avogada, ata o punto de que, nunha época na que a educación estaba vetada ás mulleres, disfrazouse de home para ir de oínte á Facultade de Dereito. Foi unha firme defensora do dereito á educación das mulleres.

Este mural foi confeccionado polo alumnado do colexio conmemorando a vida e obra de esta gran muller.

O luns 9 de marzo, con motivo do Día Internacional da Muller Traballadora dende a Comisión da Igualdade do centro, preparáronse unhas CAIXAS DE COR VIOLETA  para cada nivel con libros relacionados co tema da igualdade.

O alumnado de 2º leu un breve texto alusivo ao tema e procedeu á entrega das caixas a cada nivel, que recolleron por parellas de cada un dos niveis. Unha vez na aula fíxose a lectura conxunta dalgunha  das obras.

Aquí tedes o texto que leron os alumnos de 2º:

  

A actividade propón unhas lecturas pola igualdade para romper estereotipos, para a visibilidade das mulleres pioneiras e ilustres, para coñecer  familias diversas, para convivir en armonía... e moitas cousas máis!

Como  di a canción que homenaxea a Concepción Arenal, "Las mismas oportunidades, hombre y mujer son iguales, bailando al compás para lograr  triunfar en igualdad"

" S O M O S         D I F E R E N T E S         S O M O S          I G U A I S "