FELICES FESTAS!

Dende a comunidade educativa do CEIP Balaídos queremos felicitarvos neste Nadal 2022, xuntos e xuntas seguimos disfrutando do día a día na nosa escola.

BO NADAL!

RECOMENDACIÓNS PARA O NADAL!

Xa chegan as vacacións de Nadal, aquí  tedes unhas recomendacións de libros para que podades disfrutar da lectura nestes días de descanso.

FELICES FESTAS!

NADAL

Xa está aquí o Nadal e Xoán quere que pasedes uns momentos especiais, divertidos e máxicos no colexio e en familia, polo que buscou na biblioteca e atopou uns contos para que viaxedes xuntos no marabilloso mundo da lectura! 

Agora Xoán quere compartir unhas historias que chegan ao corazón e nos emocionan. 

 

                   

FELICES FESTAS!

LIBERANDO LIBROS POLO MEDIO AMBIENTE

Esta experiencia estase levando a cabo no cole nas etapas de Infantil e Primaria. Desenvolveuse en tódolos cursos a partir de 6º de Educación Infantil ata 6º de Primaria.

 

Erasmus+ é o programa da UE para apoiar a educación, a formación, a xuventude e o deporte en Europa. 

Neste curso estamos realizando o proxecto "Our eco-school is blooming", financiado por este programa. Dentro do mesmo, quixemos darlle unha segunda vida aos libros que xa non se utilizaban na biblioteca do centro. Co lema “liberando libros polo medio ambiente” catalogamos os libros na plataforma Bookcrossing de intercambio, escribindo en cada un deles un código BCID, a través do cal podemos seguir a súa viaxe. Estes libros foron “liberados” no noso colexio así como en diferentes cidades, escolas, institucións…

O alumnado forrounos cunha nova portada, na que debuxaron e escribiron mensaxes a favor do coidado do medio ambiente e da protección dos ecosistemas e das especies en perigo de extinción. A través da páxina de Bookcrossing podemos seguir o percorrido realizado polos libros. Á vez, cada libro leva un código QR, que ao escanealo lévanos á seguinte páxina web:

 

Nela podemos ver a través de fotografías a onde chegan estes libros. No noso colexio instalamos tamén un punto bookcrossing, unha estantería na entrada do mesmo, situada ao lado da biblioteca, onde as familias poden deixar libros que xa non utilicen e levarse outros que lles interesen. 

APERTURA DA BIBLIOTECA NA HORA DO RECREO

Outra das novidades neste curso é a apertura da biblioteca na hora do recreo como actividade dos patios dinámicos.

Poderedes ler as vosas lecturas preferidas no tempo de lecer!

Cada curso ten un calendario co día asignado, xa que vai rotando cada semana.

Xoán precisaba axudantes voluntarios e no mes de outubro propuxo ao alumnado de 5º e 6º ser axudantes.

Foi un éxito e anotáronse tantos axudantes que estamos moi orgullosos e agradecidos. Nestas semanas observamos un gran compromiso e responsabilidade da súa parte, incluso cubrindo as faltas de asistencia dos compañeiros e compañeiras para que ese día a biblioteca non quede desatendida. 

Moitas grazas a todos e todas!

Deixámosvos unha pequena mostra destas semanas:

1º RETO: ESCRITURA NA DIVERSIDADE

Neste curso, partindo do lema das Bibliotecas Escolares que fai fincapé na escritura, aproveitamos o Día Internacional das Persoas con Discapacidade, o 3 de decembro, para que o alumnado realizara un separador, en forma de árbore, para colocar nos andéis da biblioteca. Neles escribiron o seu nome en Linguaxe de Signos e en Braille.

Os máis cativos escribiron os nomes dos seus contos favoritos:

CONMEMORACIÓN DO DÍA CONTRA A VIOLENCIA DE XÉNERO

Con motivo da conmemoración do 25 de novembro, Día internacional contra a violencia de xénero, levamos a cabo na escola accións de sensibilización e prevención de todas as formas de violencia contra as mulleres e a importancia de alcanzar a igualdade total.

Esta ano inspirámonos na canción "Que non mo neguen" das Tanxugueiras para elaborar os carteis e deixar os nosos lemas e imaxes de repulsa nas ventás.

Ademáis contamos coa colaboración do alumnado de 6º, 5º e 4º de primaria que leron aos seus compañeiros e compañeiras do cole contos pola igualdade e contra a violencia de xénero.

DÍA INTERNACIONAL DAS PERSOAS CON DISCAPACIDADE

O 3 de decembro conmemórase o Día Internacional das Persoas con Discapacidade co obxectivo de promover os dereitos e o benestar das persoas con discapacidade en tódolos ámbitos da sociedade, así como concienciar sobre a súa situación en tódolos aspectos da vida.

O lema é "Un día para todos". Desde o centro queremos dar un pasiño máis é incluir a diversidade.

"A ÚNICA DISCAPACIDADE REALMENTE PERIGOSA ESTÁ NO CEREBRO DE AQUELES QUE CREN QUE SER DIFERENTES É SER MENOS"

Para conmemorar este día, Xoán preparou unha selección de material para todos e todas:

EDUCACIÓN INFANTIL

“Topito terremoto” – Anna Llenas

 

“Por cuatro esquinitas de nada” – Jerome Reuillier

"Mimí y la jirafa azul” -Cécile de Visscher

“Monstruo rosa” – Olga de Dios

“El cazo de Lorenzo” – Isabelle Carrier 

Osiño en cadeira de rodas -

(barreiras arquitectónicas)

“Mi hermano tiene autismo”  - Ana González Navarro y Victoria Labat Gronchi

Clica na imaxe para acceder ao conto.

1º INTERNIVEL (1º E 2º DE EDUCACIÓN PRIMARIA)

Corto “Conociendo el mundo con otro sentido”

(Autor: 

Escuela para niños y niñas ciegas de Guadalajara)

 “Mi hermana Lola” Texto: Àngels Ponce Ilustraciones: Miguel Gallardo 

Clica na imaxe para acceder ao conto.

“Tengo Síndrome de Down” - Helena Kraljič

Rato en venta

Na biblioteca tamén poderedes atopar estes libros:

2º INTERNIVEL (3º E 4º DE EDUCACIÓN PRIMARIA)

“La niña que caminaba entre aromas” – Ariel Andrés Almada

Comic “Ser diferente es un valor” – Pablo Pineda (Presentación)

Na biblioteca tamén poderedes atopar estes libros:

3º INTERNIVEL (5º E 6º DE EDUCACIÓN PRIMARIA)

Comic “Down Town” – Noel Lang, Rodrigo García

(Presentación do primeiro cómic protagonizado por nenos con Síndrome de Down)

Cuerdas - Curtametraxe de Pedro Solís García

  

Daniel Stix, un mozo apaixonado do deporte que pese a súa paraplexia non se pon límites.

Na biblioteca tamén poderedes atopar estes libros:

"O IMPORTANTE É SEGUIR LOITANDO. PORQUE CADA DÍA AGOCHA UN NOVO RETO QUE SUPERAR"

DÍA INTERNACIONAL CONTRA A VIOLENCIA DE XÉNERO

Para conmemorar o 25 de novembro, Día Internacional contra a Violencia de Xénero, Xoán revisou os seus libros da biblioteca e atopou estas historias que quere compartir con todos vos:

Os Bonobos e Bonobas tiñan un status moi desigual no bosque onde vivían todos xuntos. Eles comían o que elas colleitaban, eles viaxaban, aprendían e modernizábanse, pero non permitían que elas tamén o fixeran e burlábanse do seu aspecto.

Ata que se cansaron de soportar ese comportamento tan egoísta...

 

Arturo e Clementina son dúas tartarugas mozas que nada máis coñecerse namóranse e deciden casar. Todo vai ben ata que Clementina ten desexos de facer algo máis.

Arturo sempre con présa non comprende as necesidades da súa compañeira e intenta mercar o benestar de Clementina con agasallos.

Pero Clementina sinte unha carga cada vez máis pesada e non aguanta máis...

O quefaer cotián na casa de Maruxa e Pepiño non está distribuído dun xeito equilibrado e a coitada muller debe facer todos os labores mentres a súa parella folga. Pero as cousas comezan a mudar, xa que Maruxa está cansa desta situación e decide mudar as tornas...

DÍA UNIVERSAL DOS NENOS E DAS NENAS

    Nacións Unidas celebra o Día Universal do Neno o 20 de novembro, data na que a Asemblea Xeral da ONU aprobou a Declaración dos Dereitos do Neno en 1959 . Esta declaración, que non tiña legalmente carácter vinculante, non era suficiente para protexer os dereitos da infancia.

    Tras dez anos de negociacións con gobernos de todo o mundo, líderes relixiosos, ONG, e outras institucións, logrouse acordar o texto final da Convención sobre os Dereitos do Neno, o 20 de novembro de 1989, cuxo cumprimento é obrigatorio para todos os países que a asinaron.

    O obxectivo do Día Universal do Neno é lembrar á cidadanía que os nenos son o colectivo máis vulnerable e, por tanto, o que máis sofre as crises e os problemas do mundo.

        Xoán déixavos unha presentación na que podedes atopar información, cancións...

RECOMENDACIÓNS DE LECTURAS PARA O SAMAÍN

Por aquí déixovos unhas recomendacións de lectura para o Samaín:

PARA EDUCACIÓN INFANTIL

PARA O PRIMEIRO INTERNIVEL DE EDUCACIÓN PRIMARIA (1º E 2º)

PARA O SEGUNDO INTERNIVEL DE EDUCACIÓN PRIMARIA (3º E 4º)

PARA O TERCEIRO INTERNIVEL DE EDUCACIÓN PRIMARIA (5º E 6º)