RECOMENDACIÓNS NADAL 2020

 Despois do esforzo e traballo realizado por todos vos neste primeiro trimestre tan atípico, debido a pandemia do Covid-19, chegou a hora  dunhas merecidas vacacións de nadal.

Dende a biblioteca querémosvos animar a ler un pouquiño, polo que deixámosvos aquí unhas recomendacións de lecturas que podedes pedir nas vosas cartas a papá Noel e os Reis Magos.

PRELECTORES

PRIMEIROS LECTORES

LECTORES EN MARCHA

LECTORES AVANZADOS

CONTOS POPULARES DO MUNDO

Polo Magosto, as nosas amigas Casilda e Hermenexilda propuxeron o reto de narrar contos populares de distintas partes do mundo e poder estar xuntos nesta situación que nos fai estar afastados uns dos outros.

O alumnado non o dubidou e púxose mans a obra...

E aquí temos o resultado do seu gran traballo e diversos contos populares! 

"LAS TRES TRUCHAS" 

Conto popular da India narrado polo alumnado de 3 anos A.

"O VAGALUME QUE NON QUERÍA VOAR"

Conto popular de Tailandia narrado polo alumnado de 4 anos A.

"EL GRAN SUSTO"

Conto popular de Suiza narrado polo alumnado de 5 anos A.

"OS CATRO AMIGOS"

Conto popular da India narrado polo alumnado de 5 anos B.

"A FADA DOS DESEXOS"

Conto popular de Suiza narrado polo alumnado de 1ºA.

"AS CABRAS TESTUDAS"

Conto popular de Puerto Rico narrado polo alumnado de 1ºB.

"SOPA DE PEDRA"

Conto popular de Portugal narrado polo alumnado de 2ºA.

"O DON DA TARTARUGA"

Conto popular de Zambia narrado polo alumnado de 2ºB.

"O TIGRE E A VACA"

Conto popular do Caribe narrado polo alumnado de 3ºA.

"OS FILLOS DE NUT"

Conto popular de Exipto narrado polo alumnado de 3ºB

"O HOME QUE NUNCA MENTIU"

Conto popular do Continente Africano narrado polo alumnado de 4ºB.

"BUENA SUERTE, MALA SUERTE"

Conto popular de China narrado polo alumnado de 4ºA.

"A PEDRA DE CUAPA"

Conto popular de Nicaragua narrado polo alumnado de 6ºA.

"EL LADRÓN BURLADO"

Conto popular de Chile narrado polo alumnado de 6ºB.

MOI BO TRABALLO, FELICIDADES A TODOS E TODAS!

VISITA DE CASILDA E HERMENEXILDA

Chegado novembro, xa apañadas e recollidas as castañas veñen as celebracións populares do Magosto.

Nestas datas recibíamos a visita das castañas Casilda e Hermenexilda que nos acompañaban uns días polo colexio. Debido a situación sanitaria que estamos a vivir, este ano non poden visitarnos en persoa, pero mandáronnos un vídeo moi especial e propóñennos un reto, pero teredes que ver o vídeo para saber máis información...

XUNTOS NA DISTANCIA!

A BRUXA REGAÑADENTES

O alumnado de 5º de Educación Primaria estiveron facendo en lingua galega a dobraxe do conto "A bruxa regañadentes" co motivo da conmemoración do Samaín.

Queredes ver o gran traballo que realizaron? 

Aquí vos deixamos o vídeo para que podades disfrutar del!

MOITAS GRAZAS COMPAÑEIROS E COMPAÑEIRAS!

APERTURA DA NOSA BIBLIOTECA NESTE CURSO TAN ESPECIAL!

Ola amigos e amigas,

como sabedes, o 24 de outubro foi o Día das Bibliotecas. Un curso máis para adentrarnos no marabilloso mundo da lectura.

Eu acabo de chegar dunha viaxe moi especial, onde coñecín a moitos personaxes dos contos de medo que temos na nosa biblioteca.

Ocorréuseme un xogo, queredes xogar comigo?

Os máis cativos do colexio teredes que adiviñar que personaxe se esconde nos seguintes crebacabezas. Clicade na seguinte imaxe.

Moito ánimo!

Para os alumnos e alumnas de 1º, 2º e 3º teño preparadas unhas adiviñas moi especiais. A que agardades para clicar na seguinte imaxe e poñer en práctica os vosos coñecementos sobre as personaxes dos libros de medo.

Moito ánimo!

Para os maiores do cole, 4º, 5º e 6º, teño preparado un misterio no que teredes que  empregar toda a vosa atención e estratexias de bos investigadores. Estades preparados? Clicade na imaxe e a pescudar!

Moita sorte!

Recoméndovos algúns libros de medo que teño na miña biblioteca:

PARA EDUCACIÓN INFANTIL

PARA O PRIMEIRO INTERNIVEL DE EDUCACIÓN PRIMARIA:

PARA O SEGUNDO INTERNIVEL DE EDUCACIÓN PRIMARIA:

TERCEIRO INTERNIVEL DE EDUCACIÓN PRIMARIA:

QUE OCORRE NA BIBLIOTECA?

 

BENVIDOS A UN NOVO CURSO!

 

A Consellería de Cultura, Educación e Universidade publicou o lema para as bibliotecas escolares de Galicia cara este curso 2020/2021. O lema elixido foi "Xeografías lectoras na biblioteca escolar". Deste xeito convídannos a explorar todas as posibilidades de lectura, en calquera soporte, en calquera formato, con calquera finalidade, lecturas textuais e icónicas...

Dende a nosa biblioteca quixemos elaborar o noso propio, que recollera a idea do lema proposto e a situación sanitaria pola que están a pasar os nosos cativos, "Superheroes e superheroínas na pandemia. Adéntrate no mundo marabilloso da lectura!".

Cada libro que o alumnado teña a oportunidade de ler será unha ocasión para ampliar a súa imaxinación e aumentar os seus coñecementos. As lecturas permítennos chegar lonxe sen movernos da escola ou da casa, coñecendo deste xeito outros mundos e de ampliar a nosa visión del.

Devolucións libros biblioteca

Todo aquel alumnado que teña na súa casa libros da biblioteca e non os devolverá cando veu recoller o seu material o colexio , pode entregalos na secretaría do centro , teredes de prazo ata o día 30 de xuño.

Equipo de biblioteca

RECOMENDACIÓNS LECTURAS DE VERÁN 2020

Xa chegamos o final deste curso un pouco atípico, pero non menos intenso, no que tivemos que traballar de maneira diferente a como estabamos acostumados. Por iso, é o momento de relaxarse e disfrutar coa lectura durante o verán. Aquí tedes unhas recomendacións.

INFANTIL

3 ANOS:

4 ANOS:

5 ANOS:

 PRIMARIA

1º:

2º:

3º:

4º:

5º:

6º:

DÍA DAS LETRAS GALEGAS 2020

#QuedaNaCasa

Por qué celebramos o 17 de maio o Día das Letras Galegas?

A Real Academia Galega en 1963 instituíu, o 17 de maio, a celebración do Día das Letras Galegas  para conmemorar os 100 anos da publicación do libro de Cantares Gallegos de Rosalía de Castro. Dende entón todos os 17 de maio dedicamos o día a persoas que destacasen pola súa obra en galego ou defensa da nosa lingua galega.

  

Este ano está adicado a Ricardo Carvalho Calero, escritor, filólogo y lingüísta.

Sabíades que...?

· Naceu en Ferrol o 30 de outubro de 1910.

· Foi membro do Seminario de Estudos Galegos, da Real Academia Galega, da Associaçom Galega da Lingua...

·Primeiro catedrático de Lingua e Literatura Galega na Universidade de Santiago de Compostela.

· Do seu traballo literario cómpre destacar a súa extensa obra de poesía, novela, teatro así como no campo da crítica literaria e no da lingüística galega.

· Carvalho Calero está considerado o ideólogo do reintegracionismo lingüístico galego, que defende que o noso idioma é unha variante da lingua portuguesa. Faleceu en Santiago de Compostela o 25 de marzo de 1990.

Tamén escribiu moitos libros de poemas, teatro, relatos…

No seu relato titulado “As pitas baixo a choiva”, escrito para os máis pequenos, cóntanos un feito que lle pasou cando era un neno. Quería recoller as pitas que se estaban a mollar no patio. Ao final do relato todos estaban mollados como pitos: as pitas, el e toda a súa familia. 

Queredes lelo? Clicade na seguinte imaxe:

Para acceder as cancións do conto clicade na seguinte icona: 

Dende o equipo de Dinamización da Lingua Galega propúxose a actividade de recolección daquelas palabras que máis vos gusta na nosa lingua, ditos, refráns e lemas que escoitades a cotío na vosa contorna...

Como resultado da actividade elaborouse un libro. Queredes ver o ben que nos quedou? Clicade na súa portada:

Para rematar esta gran celebración compartimos con todos a canción "Queremos galego" de Pablo Díaz:

DÍA DAS FAMILIAS

#QuedaNaCasa 

O 15 de Maio, celebramos o Día da Familia. Esta conmemoración reflicte a importancia  que ten a familia, como unidade básica da sociedade, así como a súa preocupación pola situación das familias en todo o mundo.

A nosa querida Laura Álvarez, mestra  e titora de Educación Primaria do noso colexio, contaranos unha historia moi bonita  “Mis amigos y yo”. A autora é Stephanie Stansbie e  a ilustradora Katy Halford

Estade moi  atentos!!

DÍA MUNDIAL DO LIBRO E DO DEREITO DE AUTOR

#QuedaNaCasa 

Desde a Consellería de Educación, Universidade e formación Profesional edítase o díptico para conmemorar este día 23 de abril de 2020.

Para a difusión do Día do Libro, Manuel Gago, escritor, xornalista e divulgador da cultura de Galicia, creou un texto orixinal cedido xenerosamente, centrándose nas potencialidades do libro e da lectura e que nos agasalla esta evocadora afirmación:

"Cada libro que lemos queda gardado no noso peito como semente, paxaro ou xabarín"

Xoán a través do seu blogue quere festexar o Día do Libro dunha maneira especial, distinta á doutros anos polas circunstancias que estamos a vivir.

Antes de nada, quere rememorar con todos vos a actividade  que facíades no cole de apadriñar a un neno ou nena á que lle liades un conto no patio, “na hora de ler”.

Era unha actividade moi enriquecedora xa que durante a semana os padriños e as madriñas visitaban aos seus afillados e afilladas para coñecelos, saber os seus gustos lectores… Ao mesmo tempo os afillados / as , preparaban , con moito agarimo, un marcapáxinas para regalarllos a eles.

Fixádevos!

Agora toca vivilo, dunha maneira virtual, a través duns videocontos que nos enviaron nenos e nenas do colexio para subilos ao blogue da biblioteca. Non podemos subilos todos pero desde aquí darvos as grazas pola enorme participación. 

GRAZAS DE TODO CORAZÓN 

         
         

         
         
         
         
         
         

         
         
         
         
         
         
         
         
         
         
     


Espero que vos gustase, que sigades lendo moito e lembrade: